Eise Buttek

Miwwelen

D’Miwwele sinn d’Häerzstéck vun Ärer Ariichtung. Si musse sech harmonesch integréieren, zum Stil vun all Raum bäidroen a gläichzäiteg och déi funktionell Ufuerderungen erfëllen. D’Miwweldesigner, déi Dir bei Ärer Visitt vun eisem Ausstellungsraum entdecke kënnt, hu sech dësen Erausfuerderungen a Bezuch op Ästhetik, Confort an Zweckméissegkeet gestallt. Entdeckt eng grouss Varietéit u Miwwelen – Schief, Buffeten, Vitrinnen, Kannapeeën, Fotellen, Relaxen, Dëscher, Still … Do ass fir all Besoin, a virun allem fir all Goût, eppes dobäi.

Babibutz

An eisem Beräich fir Bëbeesartikele fannt Dir alles, wat d’Butzen oder déi Allerklengst brauchen, fir gutt opzewuessen a sech an allen Etappe vun hirem Liewen entfalen ze kënnen. Mir hëllefen Iech dobäi, Iech op deen neie Member vun der Famill virzebereeden. Eis Ekipp ass do, fir Iech déi beschte Produiten ze recommandéieren, ganz no Äre Virstellungen a Wënsch.

Kichen

Eng Kichen ass eng Plaz wou ee sech austauscht, kreativ ass, an deemno en zentrale Raum an all Stot. Hei trëfft ee sech, fir e gudde Maufel z’iessen a fir iwwer déi wichteg Momenter vum Dag ze schwätzen. Et ass och eng Méiglechkeet fir sech auszedrécken, mat all deene klenge Platen, déi ee fir kleng a grouss Geleeënheeten zoubereet. De Kichechef hëlleft Iech, déi ideal Kichen ze gestalten, déi net nëmmen elegant, waarm a funktionell ass mee och un Är Wënsch, an un de Raum, deen Dir hir wëllt ginn, passt.

Luuchten

Eng Beleuchtung, déi mat Suergfalt ausgewielt gouf, dréit ganz vill zu der Atmosphär bäi, déi Dir schafe wëllt. An eisem grousse Choix vu Lüsteren, Applicken oder Steeluuchten, modern, design oder méi traditionell, fannt Dir ouni Zweiwel déi passend Elementer, fir Är Wunneng no Äre Wënsch mat Luuchte méi heemeleg ze gestalten oder nei Perspektiven ze erëffnen.

Teppecher

Fir Äert Doheem méi schéin ze maachen, e gewësse Stil eranzebréngen, ass den Teppech en onëmgänglechen Accessoire. Uni, gemustert, grouss, kleng, véiereckeg, quadratesch oder ronn, déck oder dënn, den Teppech ass en Dekoratiounselement, dat e Living oder all anere Raum, onofhängeg vum Buedembelag, originell mécht. De Kichechef proposéiert Iech eng ganz breet Selektioun un Teppecher, ënnert deene bestëmmt och deen ass, deen Dir sicht . Mam Virdeel, dass en Teppech méi einfach wéi e Parquet ze ersetzen ass, wann ee sengem Wunnberäich e ganz anere Look wëll ginn.

Deko & Textilien

Et sinn déi kleng Detailer, déi oft e groussen Ënnerscheed maachen. Wann een eng bestëmmten Ambiance schafe wëll, spillt d’Dekoratioun eng grouss Roll – Vasen, Telleren, Geschier, Rummen, kleng Figuren oder och nach Käerzen a Käerzestänner – genee ewéi textil Elementer, déi Faarf op en Dësch bréngen oder d’Ambiance vun engem Buedzëmmer ënnersträiche kënnen. e Kichechef hëlleft Iech, all Liewensraum ze verschéineren, mat Goût a stëmmeg, esou wéi et Iech gefält.

Gaardemiwwelen

Wann d’Wieder schéin ass, geet näischt iwwer en entspaante Moment op senger eegener Terrass. Fir dat méiglech ze maachen, bitt de Kichechef Iech eng breet Gamm u Miwwele fir de Bausseberäich un: Dëscher a Still, Ligestill, Gaardesalonen, Sonneprabbelien an, natierlech, Barbecuen … Verschéinert Äre Bausseberäich, fir dass en esou confortabel ass, wéi Dir Iech dat wënscht, a profitéiert a vollen Zich vun der frëscher Loft.